Жүктіліктің белгілері қазірдің өзінде бар - етеккірдің келмеуі, сүт бездерінің ісінуі, көңіл-күйдің күрт өзгеруі, иістерге сезімталдық, тез шаршау. Кезең қауіпті, себебі жатырдан тыс жүктілік болуы мүмкін. Бұл эмбрион өсетін жерге жете алмай, босану каналына жабысып қалған кезде болады. Дәрігерлер жатырдан тыс жүктілік диагнозын қояды. Бақытымызға орай, ондай жағдай сирек кездеседі. Сондықтан, алаңдамаңыз. Жүктілік басталды, сондықтан осы жағымды кезеңді пайдаланып, әр күннен ләззат алыңыз.
Жүктіліктің 4-ші аптасындағы әйелдің сезімдері
Қазір әйел үшін әлі ағзада болатын түбегейлі өзгерістерді анықтай алатын уақыт емес - баланың пайда болған мерзімі әлі қысқалау. Сіздің жүктілігіңіз көзге көрінбейді, салмағыңыз ұлғая бастаған жоқ, сондықтан фигураңыз әлі өзгерген жоқ.
Бала: ұрықтың дамуы, 4 апта
Акушерлер жүктіліктің 4 аптасында эмбрион өз даму жолын енді бастайды деп санайды. Оның сіздің ағзаңызда өмір сүруіне тағы сегіз жарым ай бар. Енді ең қызықты кез - баланың қалыптасуы басталады. Осы шақтағы нәресте күріштің дәніне ұқсас және иілген пішінді болып келеді. Плацента және қағанақ суы және кіндік пайда болады. Бір ғажабы, болашақ нәрестенің басы қазірдің өзінде қалыптаса бастайды. Онда екі дақ көрінеді, бұл нәрестенің көзі болатын орындар. Кішкентай өсінділер денеден бөлініп, қол мен аяққа айналатын болады. Сонымен қатар, үш негізгі қабат бөлінеді. Эктодерма - одан тері, шаш, тырнақ, жүйке жүйесі және баланың сезім мүшелерінің рецепторлары пайда болады. Энтодермадан өкпе, бауыр, ұйқы безі, тимус, қалқанша және қалқанша маңы бездері түзіледі. Тағы бір қабат - мезодерма қан айналымы жүйесінің, бөлінулік, репродуктивті және иммундық жүйелердің және бұлшықет тіндерінің пайда болуына көмектеседі.
Кеңес:
Витаминдер пайдалы болады. Дәрігерлер жүкті әйелдерге арнайы шығарылған дәрумендік кешендерді қабылдауға кеңес береді. Ауырсынуды жеңілдетудің кез-келген түрінен бас тартуға тұрарлық. Жүктіліктің 4-ші аптасында тіс емдеуді кейінге қалдырған жөн. Инфекцияны болдырмау үшін адамдар көп болатын жерлерде серуендеуді шектеңіз және үй жануарларымен көп байланыс жасамаңыз - олар көп жағдайда токсоплазманың тасымалдаушысы болып келеді. Бұл микроб организмге еніп, баланың ағзасында генетикалық ақаулар мен басқа да зақымданулар тудыруы мүмкін. Көбінесе дәрігерлер фолий қышқылын жүктілік кезінде ғана емес, баланы жоспарлау кезінде де қабылдауға кеңес береді.
Келесі оқитыныңыз: ЖҮКТІЛІКТІҢ 5 АПТАСЫ
Жүктілік күнтізбесін апта бойынша қадағалаңыз!
Сурет: unsplash.com