Жатырдың өсіп келе жатқандығы күннен күнге көбірек сезіледі. Болашақ ана өзінің эмоцияларымен күресуді үйреніп, өзін жақсы сезіне бастайды.
Жүктіліктің 11 аптасындағы әйелдің сезімдері
Болашақ аналардың көпшілігі іштің астыңғы жағының үлкейе бастағанын байқай алады. Сүйікті джинсы шалбарыңыз енді симайды, ал белі төмен киімдер ыңғайсыздық туғыза бастады. Вагиналды бөлінулер аздап пайда болуы мүмкін. Қорықпау қажет - олар жүктіліктің соңына дейін созылуы мүмкін. Қышқылдау иісі бар ақ бөлінулер - норма болып саналады. Емізіктен кішкентай бөлінудің болуы да қалыпты жағдай. Бұл уыз сүті, сіздің омырауыңыз балаңыздың дүниеге келуіне дайындалып жатыр. Сізді сынғыш тырнақтар мен шаштың түсуі мазалайды ма? Ештеңе емес, босанғаннан кейін бәрі қалыпты жағдайға келеді және сіздің бұрымыңыз одан да қалың болады.
Бала: ұрықтың дамуы, 11-апта
Эмбрионалды кезең артта қалды, қазір бала тез өсе бастады. Көлемі кішкентай лимон - лайм тәрізді. Балада ұстап сезу рефлексі дамып үлгерді, мойны қатайып, басын бұра бастады. Кеуде қуысы мен диафрагма түзілуінің аяқталуы жақындады. Бірте-бірте ішектер жұмыс істей бастайды және көздің ирисі - көздің түсін анықтайтын көздің бөлігі. Бүйрек жұмысқа қосылып, бала зәр шығаруды үйренеді. Оның зәрі амниотикалық сұйықтыққа түсіп, сол жерден плацента арқылы ананың қанына түседі. Сырт келбетіне қарағанда нәресте пропорционалды емес көрінеді. Қолы аяққа қарағанда ұзын, ал басы денеге қатысты салыстырса, тым үлкен. Бірақ ол сәл өскен сәттен сіз үшін ең әдемі нәресте болады!
Кеңес:
Сонымен, демалуға үйреніңіз. Бұл дағды сізге босану кезінде баға жетпес көмегін тигізеді. Шамадан тыс тамақтанбаңыз, сіз өзіңізге өзіңіз зиян жасайсыз. Бөлшектеп, кішкене мөлшермен жейміз. Майлы, ащы және қуырылған тағамнан мүлде бас тартқан дұрыс болады. Скрининг жасайтын уақыт келді. Бұл ұрықтың дамуындағы ауытқуларды анықтауға қабілетті міндетті талдау. Процедураның өзі ауыртпалықсыз, егер нәтижелері дәрігер үшін үрейлі болып көрінсе, сізге егжей-тегжейлі тексеру қажет.
Келесі оқитыныңыз: ЖҮКТІЛІКТІҢ 12 АПТАСЫ
Жүктілік күнтізбесін апта бойынша қадағалауды жалғастырыңыз!
Сурет: pixabay.com
