"Егер мен полицей болсам..."

"Егер мен полицей болсам..."


Мен полиция қызметкерлерін өте құрметтеймін. Себебі ол кісілер қоғамға өздерінің көп пайдаларын тигізіп, адам құқықтарын қорғайды. Әділдік үшін күресіп, қиын жағдайда қалған адамдарға барынша көмектесіп, халықтың ризалығына бөленеді. Түн демей, күн демей жұмысын адал атқарады. Сол үшін қарапайым халықтың ішінде құрметті мамандық иелері. Менің ойымша бұл полицей  мамандығы қоғамда үлкен рөл атқарады.

Мен үшін өзіме үлгі тұтатын, халық қаһарманы, капитан Ғазиз Байтасов. Ол кісі қазіргі заманда да халық батыры, халық жанашыры бар екенін айқын дәлелдеді. Халқын өлім аузынан арашалап қалса да, өзі сол қиын сәтте жан тапсырды. Бұл батыр ағамыз өмірден кетсе де, аты өшпей, мәңгілік есімізде қалады.
Бұл оқиғаға қарап отырсақ полиция қызметкерлері аса үлкен құрметке лайық екенің білеміз.

Егер мен полицей болсам, халықтың халін ойлар едім. Қарапайым халықтың абыройына нұсқан келіп, құқықтарының қор болуына жол бермейтін едім. Халық жауының болуын тоқтатар едім. Себебі, әр адам өз Отанын сүю керек. Ол әр азаматтың міндеті. Әр-бір азамат еліне адал болып, адал қызмет ету керек. Сондықтан да, мен халқымның жанашыры болғым келеді. Және де қылмыстардың санын азайтқым келеді. Қылмыстардың ішінде әрине ең сорақысы - адам өлімі.

Әркiмнiң өмiр сүруге құқығы бар, ешкімнің өз бетінше адам өмірін қиюға хақысы жоқ. Сондықтан да, қасақана жасалған өлім барысын және де жол апаттарын азайтқым келеді. Байқап отырсақ, жаңалықтардан естуіміз бойынша, көлік апаты туралы жиі естиміз. Жол апаты жолдың дұрыс салынбағанынан, немесе жүргізушінің мас күйінде көлік жүргізуі, көлік құралының аяқ астынан жұмыс істемей қалуының және де тым қатты жүргізуінің себептерінен деп айтады. Сол кезде бүкіл мән-жайды анықтайтын жол полиция қызметкерлері.

Осылайша мен Отаныма аз да болса септігімді тигізгім келеді.
Және де менің ойымша, полицей мамандығы туралы құқықтану сабағы мен қатар бұл мамандыққа аса көңіл бөліп мектепте үйрету керек. Ол баланың қауіпсіздігі үшін. Оған қоса полиция мамандығы қоғамдағы рөлін оқушыларға таныту керек.
Енді ойымыды қортындылайтын болсам, полиция қызметкерлері халық үшін күреседі. Бірақ біз неге өзіміз үшін күреспеске? Айтар ойым қарапайым ережелер мен заңдарды сақтау. 
 
Біздің қоғамымызда полиция мамандығы аса құрметті,  аса маңызды рөлді атқаратын, батырлық пен сабырлықты талап ететін мамандық. Сондықтан да біз полиция мамандығын құрметтеуге тиіспіз!

12 ж. Абдуайт Еркежанның ҚР полициясы күніне арналған "Егер мен полицей болсам..." атты тақырыбындағы жазылған конкурсттық эссе.

Астана қ. № 64 мектеп-лицейі

Әлеуметтік желілерде бізге дауыс бере аласыздар:
МВД Республики Казахстан парақшасында.

Дауыс бергендерге алғысымызды білдіреміз.
Продолжение статьи читайте ниже ⇓

Теги:

ПОЛИЦИЯ  





Поделиться:


Популярные блоги